ଭର୍ମିକମ୍ପୋଷ୍ଟ ପ୍ରସ୍ତୁତି

ଭର୍ମିକମ୍ପୋଷ୍ଟ ପ୍ରସ୍ତୁତି ପାଇଁ ବିଭିନ୍ନ ଧରଣର କୁଣ୍ଡ ବ୍ୟବହାର କରାଯାଇପାରିବ । ବର୍ଯ୍ୟବସ୍ତୁର ପରିମାଣ ଓ ସୁଲଭତା ଅନୁସାରେ କୁଣ୍ଡର ଆୟତନ ନିରୂପଣ କରାଯାଏ ।

ସିମେଣ୍ଟ କୁଣ୍ଡ

ଏକ ଉଚ୍ଚା ତଥା ନିଗିଡ଼ା ଜାଗାରେ ଭଙ୍ଗା ଇଟା, ପଥର ଦେଇ ଏକ ଚଟାଣ ତିଆରି କରନ୍ତୁ ।
ତାପରେ ଆବଶ୍ୟକତା ଅନୁସାରେ ଲମ୍ବ 1ମି, ଓସାର 75 ସେ.ମି ଉଚ୍ଚତା ବିଶିଷ୍ଟ ଇଟା ଓ ସିମେଣ୍ଟର କୁଣ୍ଡ ତିଆରି କରନ୍ତୁ ।
କୁଣ୍ଡ ଭିତର, ବାହାର ଏବଂ ତଳକୁ ସିମେଣ୍ଟର ପ୍ରଲେପ ଦିଅନ୍ତୁ ।
ଜଳ ନିଷ୍କାସନ ପାଇଁ କୁଣ୍ଡକୁ ଟିକିଏ ଢାଲୁ କରି ବାହାରକୁ କଣାଟିଏ ରଖନ୍ତୁ । କୁଣ୍ଡର ଉପର କାନ୍ଥରେ ନଳା ତିଆରି କରନ୍ତୁ ଟିକିଏ ଢାଲୁ କରି ବାହାରକୁ କଣାଟିଏ ରଖନ୍ତୁ ।
କୁଣ୍ଡର ଉପର କାନ୍ଥରେ ନଳା ତିଆରି କରନ୍ତୁ । ସେଥିରେ ପାଣି ଭର୍ତ୍ତି କଲେ ପିମ୍ପୁଡ଼ି କୁଣ୍ଡ ଭିତରକୁ ପଶିପାରିବେ ନାହିଁ ।

ସିମେଣ୍ଟ ନନ୍ଦ

ସିମେଣ୍ଟ ନନ୍ଦକୁ ବ୍ୟବହାର କରି ମଧ୍ୟ କୁଣ୍ଡ ତିଆରି କରାଯାଇପାରିବ । ଦୁଇଟି ସମେଣ୍ଟ ନନ୍ଦ (2.5 ଫୁଟ ଗୋଲେଇ ଓ 1 ଫୁଟ୍ ଉଚ୍ଚତା ବିଶିଷ୍ଟ) କୁ ଯୋଡ଼ି ଏକ ସିମେଣ୍ଟ ଚଟାଣ ଉପରେ ବସାନ୍ତୁ । କୁଣ୍ଡରେ ଜଳ ନିସ୍କାସନ ପାଇଁ ଏକ କଣା ରଖନ୍ତୁ । ନିୟମିତ ଖତ ପାଇବା ପାଇଁ ଅନୁନ୍ୟ 2 ଟି କୁଣ୍ଡ କରିବା ଉଚିତ ।

ଚାଳ ଛପର ଘର

ଅଧିକ ତାପମାତ୍ରା ଏବଂ ଆର୍ଦ୍ରତାରେ ଜିଆମାନେ ବଞ୍ଚି ପାରନ୍ତି ନାହିଁ । ସେଥିପାଇଁ, ବର୍ଷା ଏବଂ ଖରା ଦାଉରୁ ରକ୍ଷା କରିବା ପାଇଁ କୁଣ୍ଡ ଉପରେ ଏକ ଚାଳ ଛପର ଘର ତିଆରି କରିବା ଆବଶ୍ୟକ ।

କମ୍ପୋଷ୍ଟ ଉପଯୋଗୀ ଜିଆ

କମ୍ପୋଷ୍ଟ ତିଆରି ପାଇଁ କେତେକ ନିର୍ଦ୍ଦିଷ୍ଟ ଜିଆଙ୍କୁ ବ୍ୟବହାର କରାଯାଇଥାଏ । କାରଣ ଗଦା ଭିତରେ ଖୁବ୍ ଶୀଘ୍ର ବଂଶ ବୃଦ୍ଧି କରି ଜୈବିକ ପଦାର୍ଥକୁ କମ୍ ସମୟ ଭିତରେ କମ୍ପୋଷ୍ଟରେ ପରିଣତ କରିବା ଶକ୍ତି ସବୁ ଜିଆଙ୍କର ନଥାଏ । କମ୍ପୋଷ୍ଟ ପ୍ରସ୍ତୁତି ପାଇଁ ଉପଯୋଗୀ ଜିଆ ଗୁଡ଼ିକ ହେଲେ –

ଇସେନିଆ ଫୋଏଟିଡ଼ା
ୟୁଡ଼୍ରିଲସ୍ ୟୁଜେନି
ପେରିଓନିକ୍ସ ଏସ୍କା ଭେଟସ୍
ଲୁମ୍ବ୍ରିକସ୍ ରୁବେଲସ୍

ଏକ ଘନମିଟର ଆକାରରେ କୁଣ୍ଡରେ 2000 ଜିଆ (2 କି.ଗ୍ରା. ଜିଆ ) ଛାଡ଼ିବାକୁ ପଡ଼ିବ । ସେମାନେ ପ୍ରାୟ ଦୈନିକ ହାରାହାରି 10 କି.ଗ୍ରା. କମ୍ପୋଷ୍ଟ ତିଆରି କରି ପାରିବେ ।